لو عليَّ الليل يا جاسم يجن يبني ألوج إمن الدهاني و ما أعن

و لون ضيفك عليّ يا جاسم يمر يبني أحس بحشاي يتوجر جمر

نفذ صبري و بعد شيفيد الصبر و جرح فقدك بعد يشفه لا تظن

إشلون يشفه و طيبه يرهم له بعد يلوحيد غيرك إشعندي ضمد

رحت عني و حيلي يوليدي إنضهد هاي ليلة عرس لو ليلة حزن

يا قمر دنياي يالناوي الغياب أبقه أنوح إعليك و ألطم يا شباب

وسفه يبني زفتك صارت مصاب و حنتك بدموع عيني تنعجن

إبدمع فقدك يبني أعجن حنتك و من لهيب إحشاي أعلق شمعتك

يالولد تطلب رباها الربتك عفت قلب أمك يجاسم ممتحن

ممتحن قلبي عقب ذاك الربه تجوى لآخر عمري جنت إمحسبه

يبني سهم الدهر جبدي صوبه و بعد لا أغفه و لا يغمض جفن