مثله ما ظن إصواب...و ما ظن يشفه يا شاب

يبني و تنظر إصوابه

لون شفته يجاسم تندهش تجفل

و تقول إصواب البلقلبي كلف يقتل

و فلا مثله قلب يتجرع و يحمل

نفس عندج عجيبه يصعد و ينزل

ألوج و ما نمت ليلي...يبعد أمك ضهد حيلي

إتوسع من المصاب...و ما ظن يشفه يا شاب

يبني و تنظر إصوابه

يجاسم من رباك إصوابي ليه منبع

حين الجنت من نبع القلب ترضع

و من ليل الشته الما جنت أعن و أهجع

و إشتد الولم هالليله و إتوسع

يبني و بعد هالعله...يا طيبه الذي إتشله

تعجز كل الأسباب...و ما ظن يشفه يا شاب

يبني و تنظر إصوابه

و يبني الوالده جتاله لوعتها

لو ونت تذوب الصخر ونتها

تموت أم الوحيد من مناحتها

لون راح و بعد ما رجع سلوتها

لمن تذكر إرباها...بعدما تقطع إبجاها

و ألمها إبدمع سجاب...و ما ظن يشفه يا شاب

يبني و تنظر إصوابه

قبل ما تمشي إقعد يبني أحجيلك

و لو محتاره من يا كتر أبدي لك

إبمنامك بالمحنه جنت ألولي لك

و تفز وجه الصبح بالبسمه أناغيلك

و أهز المهد بضلوعي...و تهل من فرحتي إدموعي

و قلبي الحاسب إحساب...و ما ظن يشفه يا شاب

يبني و تنظر إصوابه

و جنت صبح و مسيه قاعده إقبالك

يشهر الفرح كل آمالي بهلالك

قلت تكبر يجاسم و أقعد إبجالك

يفي عمري و عليه يسفر إخيالك

و هاي الليله يا غالي...ما خطرت على بالي

القلب شيفيده العتاب...و ما ظن يشفه يا شاب

يبني و تنظر إصوابه

و جنت بالراحه أحسن لمن أشتمك

سهل هم الربه و لاجن كلف همك

يجاسم لو يشوفك سابح إبدمك

بعد بالدنيه جا شلها تموت أمك

و جنت إمحسبه أتهنه...تالي إبدمك أتحنه

يبني و قلبي ينصاب...و ما ظن يشفه يا شاب

يبني و تنظر إصوابه