هالليله بسمانه معلوقه الأنوار...ميلاد للعتره ما مثيله صار

و إنزاح كل همنه ما ظلت أكدار...إنهنيها للزهره وي علي الكرار

إنهني إنهني مولد ولينه...جعفر الصادق بيه إهتدينه

فرحانه هالدنيه بالنبي و ميلاده ...روض السعد فتح هالعاطر أوراده

روح و ملك يا ناس هالليله وفاده...هنوها للزهره وي علي يا ساده

فرحتنه فرحتنه الحيدر علينه ...جعفر الصادق بيه إهتدينه

أرض و سمه ضربت للفرحه هذا اليوم...حته القمر يا ناس يتغنه ويه إنجوم

سادس أئمتنه ميلاده هذا اليوم...رحمه ولايتهم للي يحبهم دوم

قدوه قدوه و بيه إهتدينه ...جعفر الصادق بيه إهتدينه

بيه تفتخر الأكوان هاي المسيه ...والينه عالي الشان ابن الزجيه

ميلاده رحمه و خير للجعفريه ...و أفراحه وي جده صارن سويه

قلبي قلبي زايد حنينه ...جعفر الصادق بيه إهتدينه

ابطاها النبي المختار منصوبه حفلتنه ...راعي الفخر و الزود يالمنه هيبتنه

زينه و فرح عدنه مرفوعه رايتنه...و الجعفر الصادق هذي تحيتنه

زودك زودك منه إرتوينه ...جعفر الصادق بيه إهتدينه

حقي لون أفرح ابمولد إمامي...و من الفرح يا ناس زايد غرامي

شيعي و أصيح إبصوت هذا وسامي...متعلي بأهل البيت غاية مرامي

روحي روحي إلهم رهينه ...جعفر الصادق بيه إهتدينه

هالليله شيعتكم مرفوعه رايتها...حبكم أمان إلها بيكم سعادتها

خل ترتفع الأصوات خل تعله صرختها...فرح و هلاهل شوق هالليله علتها

دربك دربك بيه إقتدينه ...جعفر الصادق بيه إهتدينه

يا مفخرة الأكوان يا راعي الشان ...صادق حويت أفكار للنبي العدنان

يالوصفك ربك وصفك يفوق إنسان ...فضلك يحيرنه يا منبع الإيمان

الشيعي الشيعي خل تقر عينه...جعفر الصادق بيه إهتدينه