الله الله ما أجملَ الأفراح...الله الله قد أشرقَ المصباح

من جانب الطور ...نورٌ على نور

آنه الكليم الوادي حبك زحفت آمالي

دنيايه ظلمه و نورك الزاهر تراوالي

جيت و شفت شي ما خطر أبداً على بالي

أنوار لا هيه شمس لا بدر يتلالي

الله الله ..ما أعظمَ المنظر...الله الله ..سبحانه من صور

أشعاري وقفت يم ضواك إمدنقه الهامه

و سجدت حروفي و القلم أعلن لك إسلامه

إنت الحبيب الغالي بيكم روحي تتسامه

و تقبل نصير الخادمك مولاي خِدامه

الله الله ..غذوتُ مذهولا...الله الله ..من نظرتي الأولا

بالحبِ مغمور ...نورٌ على نور

يمك خلعت الدنيه كلها إبروح ولهانه

و ناجيتك آمرك يا حبيبي خادمك آنه

قلت لي إبذوي القربى إقتدي بنفس سجايانه

بالدنيه و الآخره إتفوز و تحشر إويانه

الله الله.. بعترةِ الزهراء...الله الله ..ستبلغُ العلياء

و الفوزُ بالحور ...نورٌ على نور

مولاي آنه و كل محب صوت الوفه إنبيعه

حبك شرف إلنه إبملك قارون منبيعه

و هاي المحافل بيها جينه إنجدد البيعه

و يا سيدي إحنه إلك و العترتك شيعه

الله الله ..ما أعظمَ الإسلام...الله الله.. يا سيدَ الأقوام

من جانب الطور ...نورٌ على نور