آنه فاطمه إعداي إشيطلبوني بين الباب و الحايط يعصروني

آنه أم الطهر بنت النبي المختار متراعوان حالي يالعده الأشرار

إعصرتوني و تصوب صدري بالمسمار و إنتوا يالعده كلكم تعرفوني

تعرفوني و لا شيمه الحصلت عدكم إتربحون إبعملكم جان كل ظنكم

باري الكون بالمحشر يحاسبكم أطلب منكم الحق و تشوفوني

يا ذنب البده حقي تغصبونه مني و حته طفلي ما ترحمونه

ما عدكم رحم ضلعي تكسرونه أصيحن آه و اليا سبب تاذوني

إبقسوه العدكم إدفعتوا عليَّ الباب و لا جنكم الجنتوا للإبو أصحاب

آنه فاطمه و الصدر مني إنصاب ما عدكم حميه يالجرحوني

مو قال الأبو الزهره ضوه عيني اللي يآذيها يألمني و يأذيني

ما فاد الحجي و خلوني بونيني حته إمن البجه صاروا يمنعوني

إتعنوا بالحطب للباب حرقوها و الطاهره خلف الباب شافوها

تون إمن الضلع و الصدر خلوها إبهاي الحاله بويه إعداك هضموني

من هجموا خذوا حامي الحمه حيدر من الدار و إمجتفينه أهل الشر

و أعت خلفه و دليلي من الألم يسعر أصيحن خلوا بن عمي يسمعوني

لفرع و أشتكي الباري السمه إعليكم و أحجي له الجره و هو اليجازيكم

مو آنه الزجيه الزهره أناديكم ما تقلوا لي يا ذنب التطلبوني