هالليله الهادي إيودعنه هالليله الهادي إيودعنه

بين الحسره و بين الدمعه هالليله المرسول إنودعه

هذا إوداع و ما بيه رجعه إويه الزهره إيهل مدمعنه

هذا الهادي سيد الرحمه هذا اللي خلص هالأمه

من الإستعباد و ظلمه و إفراق الهم إتجرعنه

مدمعنه من دم إنسيله كل واحد متهدم حيله

إنواسي الزهره إبهاي الليله الهادي إبهم فرقاه يفجعنه

حيدر هالليله الله إيعينه تهمل دم و مدمع عينه

أصفر صار الهادي إجينه إمصابه وي حيدر يفجعنه

حيدر هاجت بيه أحزانه وصاه الهادي بقرآنه

وصاه بحسين الريحانه لمصاب الهادي إتروعنه

و حسين و حسن يم جدهم إيودعونه و الدمعه إبخدهم

الله الليله إيساعدهم الأحزان الليله تجمعنه

للزهره الصرخه إنعليها مفجوعه إبفرقة هاديها

هاي أول لوعه إتشوفيها و إنقول الزهره تسمعنه

من عقب الهادي يالزهره يا لوعه يا هم يا حسره

بالباب إتشوفين العصره إتبضع قلبج و إتبضعنه