آخر الأخبار

ديوان السادة

شمس الحق غابت بغيابك

15 سطرًا

شمس الحق غابت بغيابك شمس الحق غابت بغيابك

ركن الدين إعليك إتهدم و جفن المصحف يتسايل دم

و بآياته ظل يسري الدم هز العرش الليله إصوابك

إصوابك صوب جبد العصمه بغيابك يا هادي الأمه

ما ظلت بعدك كل رحمه و إنفجعت آيات إكتابك

إكتابك بالحق هو الحاكم إبعصرك لا مظلوم و ظالم

عبد و حر ساويت الوادم واحد جان إوياها إحسابك

إحسابك حق و غيرك باطل و إعله الحق أبداً متجامل

دينك ما بيه منقص كامل و شفنه النقصان بأصحابك

أصحابك أبداً مو صحبه بعدك ليش الحق إتقلبه

عزلة حيدر و إنت إمنصبه أصحاب و ما واحد هابك

ما هابك لا هاب العتره الله اليلعن ذيج الزمره

كسروا بعدك ضلع الزهره ظلموها و جازوا أتعابك

أتعابك ضاعت يا وسفه وي ناس و قدرك متعرفه

جم ناصب يالهادي إتشفه و ما ينفع وياها إحسابك

شارك هذا المحتوى
3٬997مشاهدة