لا تلوموني .. لا تلوموني...حب الحسين اجنني

إي نعم مجنون من يوم العرفته .. يا حسين

أعقل الناس التسودن من محبته .. يا حسين

لا تلوموني اذا ثوبي مزقته .. يا حسين

لا تلوموني اذا راسي طبرته .. يا حسين

لا تسألوني .. لا تسألوني...حب الحسين اجنني

هذا صدري يسيل دمه وما أوافي .. يا حسين

وانا من امشي ازوره امشي حافي .. يا حسين

الناس من شافتني صاحت كافي كافي .. يا حسين

والله ما انسه ابو اليمه هتافي .. يا حسين

ماتغيروني .. ماتغيروني...حب الحسين اجنني

لو طبرت الهامه لا تقرب عليه .. يا حسين

يعني أقلك انا اتحده المنيه .. يا حسين

انظر اجروحي وبعدها لوم بيه .. يا حسين

شوف منهو اللي يضمدها إليه .. يا حسين

يالتعرفوني .. يالتعرفوني...حب الحسين اجنني

آني من دم هامتي اعلن ولائي .. يا حسين

قول عني تجنن وقلّي مرائي .. يا حسين

من اصيحن ياعلي تنزف دمائي ..يا حسين

يعني آني وقعت بالدم فدائي .. يا حسين

يالتسمعوني .. يالتسمعوني...حب الحسين اجنني

آني من الطم على صدري شيضرك .. يا حسين

هذا صدري وآني ما أذيت صدرك .. يا حسين

آني حر براسي اطبر ما اطبرك .. يا حسين

يعني كل هاي المصايب ما تقهرك .. يا حسين

ماتمنعوني .. ماتمنعوني...حب الحسين اجنني

قبلك هوايه حجوها وعبرتهم .. يا حسين

من على احبال المشانق ادبتهم .. يا حسين

آني مو لعب التحدي وماخفتهم .. يا حسين

هسه اسألك وينهم شو ماشفتهم .. يا حسين

لو تقطعوني .. لو تقطعوني...حب الحسين اجنني

لا تعلمني دخلني ويا همي .. يا حسين

انا ما احتاج فتوه وهذا دمي .. يا حسين

انا شفت الزهره تقعد تبجي يمي .. يا حسين

هذا ابن ظاهر اشوفه سجل اسمي .. يا حسين

لا تنصحوني .. لا تنصحوني...حب الحسين اجنني