صحت و أصفق بيديه ...يحماي الحميه

نفذ صبري ...شلي إبعمري ...يحماي الحميه

بويه لو صوتي تضيعه من لهموم الثجيله

يا علي آنه الغريبه زينب الحره العقيله

بويه و العنك أعرفه بالشدد حامي دخيله

و ما بعد غيرك يبويه الأتجه له و أشتكي له

و إخوتي إبهالمسيه ...ضحايه إعله الوطيه

حرت بأمري ...شلي إبعمري ...يحماي الحميه

يا علي و قصة عذابي لو إلك أروي خبرها

تبتدي من يا مصيبه بتك الظالم دهرها

إعيوني من كثر البواجي يا علي فقدت نظرها

و الجروح البيه بويه تركضت إبقلبي أثرها

تمنيت المنيه ...و عمر ما ظل إليه

إبدمع يجري ...شلي إبعمري ...يحماي الحميه

ما أظن بالدنيه حرمه يقترن وي همي همها

و منو مثلي إبحيره طاحت و لا إخو و لا والي يمها

من الرعب فرت يتامه ساعة الحرقوا خيمها

و عايله الجانت عزيزه إمقبعه الليله إبهضمها

اليتامه إبكل ثنيه ...و أشوف الفاطميه

على كتري ...شلي إبعمري ...يحماي الحميه

يا علي إخيول آل أميه ساعة الهجمت علينه

إبكل كتر فرن أبويه يا علي وليه إنولينه

هاي التصيح إنهضمنه و ذيج التصيح إبني وينه

و آنه يبويه ندبتك لينه إحضر يا ولينه

يخو الهادي ووصيه ...لفتنه إخيول أميه

و أظن تدري ...شلي إبعمري ...يحماي الحميه

بويه كل ساعه مصيبه يا علي و كل لحظه خوفه

و آنه أفتر عاليتامه و ينسحق طفل الأعوفه

بويه لو قلت لي جفيلج حاضر و حالج يشوفه

عالنهر يا بويه نايم يا علي و قطعوا جفوفه

أبو الروح الوفيه ...و أبو النفس الأبيه

طلب عذري ...شلي إبعمري ...يحماي الحميه

يا علي إشبيدي و زماني من أبو فاضل حرمني

و من إجيت إبعهده أبويه و الدرب كله إلتزمني

يمي لو حاضر جفيلي من قدر بويه إيهضمني

و لا يضربوني إعله متني ولا جسر واحد شتمني

ولتني الغاضريه ...و عقب خدري سبيه

إبظلم دهري ...شلي إبعمري ...يحماي الحميه