ركضة طويريج من يمحيها والامام المهدي يحظر بيها

حسين حسين يا حسين مولى

ركضة طويريج توجها الفخر للوفاء والتضحيه شبيها صور

ما يماثلها عزاء بكل الدهر تنور حاضرها بشمس ماضيها

منها صرخه ويا حسين ترتفع صرخه حتى العرش منها ينفجع

مستحيل ها الركضه هاذي تمنع الله يخذل كلمن يعاديها

الها رايه ارتفعت بعلو النجوم ما يهمنا الي يعارضنا ويلوم

يروي هذا الخبر عن بحر العلوم المهدي بيها دمعته يجريها

شافو المهدي يهل دمعت العين واعلى راسه حيل يلطم بااليدين

مع الركضه يدخل لصحن الحسين واعلى جده صرخته يعليها

يذكر الصار والجرى بطف كربلاء والمصيبه قباله تصبح ماثله

اهنا يتصور فرار العايله ويذكر شلون العدى توليها

بركضة طويريج يا جدي اجيت طفت شباكك بحسرات وبشيت

مثل حنوك على العباس انحنيت حين طاح وهامته مهشميها

قعدت عد راسك ارادف حسرتي سهم شبدك شن اهيسه بشبدتي

قمت اتصور لزينب عمتي من عقب عيناك يا واليها

شلون من نوحي عليك اهجع وهيد وانت يا جداه محزوز الوريد

ويمك وليدك علي الاكبر شهيد بالمواضي جثته مخذنيها

اه يا سلوة الزهره الطاهره موقفك يا جدي شنه اصوره

شفت طفلك حين قطعو منحره نبله شانت باالسم مخلينها

للخيم جبته وتكفكف دمعتك عمتي زينب بلوعه تلقتك

وين عبد الله بدمعها نشدتك ظنتك سالم ترجع ليها

اه يا جدي شفت باالطف محن للبواشي دموعك عليهن نصبن

من شفت جاسم الشاب للحسن كفوفه من فيض الدما محنيها

نهار عاشر ما جرى مثله نهار شفت بيها تذبحت كل الانصار

والخيم يا جدي تتلاهب با نار وانت ما تقدر تجي اطفيها

اذكرك باالمصرع ادير النظر عاالخيم نوبه ونوبه عاالنهر

تريد تنخي شنك حزام الظهر عاالشريعه كفوفه مقطعينها

جيتك انا اليوم هاذي طلبتي بجاهك الباري يعجل طلعتي

راية العباس تصبح رايتي كون كل العادتك افنيها