طالَ ميعادُ السماء...يا أميراً للفداء

أنت سيفُ الإنتصار...و حسينٌ في إنتظار...يا أميراً للفداء

عالدرب عين الضحايه طالت أيام إنتظارك

و الجروح الفاطميه كل فجر منتظره ثارك

من يهل عاشور رادت هم يهل سيف إنتصارك

تنتظر حته المناير تهتف إبهذا شعارك

يا لثأرِ الشهداء...و جروحِ الغرباء

و على التلِ الحزين...هذهِ إختُ الحسين...يا أميراً للفداء

راية الفتح التضمد للجروح الفاطميه

من بقيع أمك يغايب إعتني للغاضريه

بعده جرح حسين ينزف بعده للسا صوت أميه

أهل هذا البيت صاحوا لا تبقوا له بقيه

هذا صوتُ الأدعياء...صوتُ أبناءِ البغاء

فمتى صوتُ الحصاد...يعلو مأذنةَ الجهاد ...يا أميراً للفداء

حسين برض الطف يغايب ينذبح كل يوم صبره

و كل زمن أتباع أميه إنحور ذبحوها إعله نحره

و لون ما هي الضحايه حسين هدموا فوقه قبره

شوف جم عبدالله حسين ذبحوه فوق صدره

كم رضيعاً للدماء...أبكى عينَ الأنبياء

و أمامَ الأمهات...قطعوا منهُ الحياة ...يا أميراً للفداء

كل جرح ينتظر ثاره و تبقه يم حسين عينه

تعتني إبراية جهادك تمسح الدم عن جبينه

تلقه شيبه إمخضيبها تلقه صدره إمهشمينه

إنشد إسلام آل أميه ثوبه ليش إمسلبينه

عرفوهُ ابنَ الكساء...تركوهُ في العراء

داميَ النحرِ سليب...من لثاراتِ الغريب...يا أميراً للفداء

حسين برض الصبر بعده ينتظر هالرايه آيه

عين يتنطرك بيها و عين لجروح الضحايه

إبرايتك لو جيت تلقه عالنهر عباس رايه

ينتظر جود إنتصارك و للنهر ما ضاق مايه

كلُ كفٍ للإباء...هو نهرٌ للوفاء

و ببابِ المجدِ عين...حرثت قبرَ الحسين...يا أميراً للفداء

إجروح آلُ الله تنزف و إنت سيف الله صابر

تدري بخيول التعصب جم صدر سحقوه طاهر

هجروا أتباع أهلك قطعوا روس المناير

و حته بجساد الضحايه ضاقت إصدور المقابر

هددونا بالفناء...بفتاوي الأجراء

أكثروا فينا الدمار...كلَ يومٍ إنفجار...يا أميراً للفداء

إعتني للطف يثاير شوف جم شاب التخضب

جم قلب عطشان تلقه و الخيم لليوم تلهب

جم طفل مسحوق تلقه و يا خدر شوفه تسلب

يمته جا زينب يغايب ترجع البيت أمها زينب

فمتى يعلو النداء...و دماءٌ بدماء

ذبحوا آلَ الرسول...سلبوا خدرَ البتول...يا أميراً للفداء