آخر الأخبار

ديوان السادة

يحسين زينب هضموها

19 سطرًا

يحسين زينب هضموها و بالصوت إختك ضربوها

زينب إنهار العاشر إبيا حاله حيره و جروح البلقلب جتاله

تنشد السجاد و تلوذ إبجاله الكون أحمر إتقله إنقلب وشحاله

و أعضاي تتراجف كلها سجاد حاير شيقلها

إيقلها يا عمه ابيا وضع تدريني شيلي طرف من خيمتي و عنيني

و الصدرج الطاهر بعد سنديني و خليني أصدن للمعاره إبعيني

إبيا حال عاين للحومه ابلوعات قلبه و بهمومه

اشجاوبها و إتعاين السجاد إيلوع إضلوعه و انحنت من عدها إضلوع

إيقلها يا عمه ابعبره و يكت إدموع راس الإبو بأطول رمح هالمرفع

يا ريت نحري يقطعونه و الراس مثله إيرفعونه

للتل تعنت زينب ابهذا اليوم و القلب طير من الهضم قام ايحوم

بالحزن و الهم تعثر و ساعه إتقوم و تنادي قوم العيلتك يا مظلوم

يحسين نرفع شكوتنه أشرار قوم إتولتنه

ابهالوضع زينب بت علي المهضومه شاطت ابلوعه و إعتنت للحومه

وياها عيلة فاطمه المظلومه الجثة حسين إتعنت المخذومه

اعله حسين شوصف لمتهن و شلون جانت حالتهن

وحده إنحنت قامت تضمه و تشغر وحده بعبايتها تظله من الحر

و حده الشعر صبغته ابدم المنحر وحده اشتقول من السده ما تقدر

و اتلوج لن وحده إبجنبه و بالنوح لن وحده إتحبه

شارك هذا المحتوى
11٬747مشاهدة