معتني للحومة جاسم ..بيها صارت زفته

من طلع بدر العُلا .. هلهلت له كربلاء

بالحرب صوته اعتلى .. بيك يا جاسم هلا

مدرع بثوب البسالة .. والشهامة لامته

معتني لسبعين الف .. ما يبالي بالحتف

راية أمجاده ترف .. وبين هالقوم يهتف

صاح أنا الكرار جدي ..وبيا عزمه وهمته

الحرب كل مطلبه ..نادى قوم الواثبة

أنا شبل المجتبى ..رابع أصحاب العبا

الحسن عودي ومنه ..كل صفاته وغيرته

جاسم بعزمه يطب .. من دخل قاع الحرب

بهمته ثابت قلب ..وملحمة بيه تنكتب

الحومة لمن طب ثراها ..هلهلت من شافته

بدر من برج السما .. ولحربنا غانمة

ومن عزم حامي الحمه ..نهج عزمه يرسمه

والشجاعة الحيدرية ..سجلتها يمنته

سجل علوم الوفه ..وللحرب سل مرهفه

اليوم عزمه يكشفه..يحمي دين المصطفى

صاح دون حسين عمي ..روحي تفدي ارويحته

وجر الحومة جمر ..وخيل من عنده تفر

فرق أزلام الكفر ..واعتنى الأسدي بغدر

من غفن جاسم بحربه ..بسيفه صوب هامته