يم كافل زينب شفنه حسين...و إنشوف المنحر و الجفين

و إحنه إنصيح يا مظلوم...واويلاه عالمسموم

و إنشوف المنحر و الجفين

إجينه الحضرة العباس و شفنه حسين بالحضره

تلاقن بالقبر جفين قطيعه و عانقن نحره

و نسمع ونه لأم عباس مره و مره للزهره

يصيحن يا حسن يبني ييمه و يجرن العبره

و إينادن من إغيابك آه...و إحنه إنصيح إوياهن ويلاه

كل إحنه هذا اليوم ...واويلاه عالمسموم

و إنشوف المنحر و الجفين

تنادي فاطمه يبني و جينه للقبر نسمع

مثل جبدك يبعد أمك أحس إبجبدي يتقطع

إجينه القبر أخوك اليوم حبيب و عنده نتجمع

و إجوا زوار أبو فاضل علينه إعيونهم تدمع

أشعر يوليدي تطفي النار...من تنزل دمعات الزوار

صاحوا و القلب ملجوم ...واويلاه عالمسموم

و إنشوف المنحر و الجفين

نشعر ونتك يحسين جرح عاشورك إتلجمه

الإخو ما تسكن إجروحه يون الفارق ابن أمه

نشوفك منكسر ظهرك و إنسألك يبو اليمه

جبدك و النعش و العين جاوب من أشد سهمه

يالصابن قلبك كثره إسهام...يالوحدك تحمل هالآلام

يالمن العذب محروم...واويلاه عالمسموم

و إنشوف المنحر و الجفين

يون عباس ويه حسين حسره إتلاقت إبحسره

معروف الإخو لو راح أخيه ينكسر ظهره

ينهار و يون و ينوح من يوقف على قبره

الله يساعد الفاجد إخوه و شامت ينظره

رابع انوار الحق مغدور...و إحنه إعله إمصابه إصدور

صوت الفاجد المهموم

حقج يا أم حسن تبجين لأن جبد الحسن شفتي

إمقطع بالطشت يا ويل يلجم ضلعج و صحتي

و إخوته و كل أهل بيته مجتمعه و تألمتي

أسألج يا أم حسن بالطف كم مره تصوبتي

يم جود الكافل شفتي إجبود...عل الشط تتعذر منها إزنود

و إعيون اليتامه إتحوم

مته لرض البقيع إنروح يم قبر الحسن نلتم

مثل ما نعتني لحسين و إنهل المدامع دم

مواكب للحسن نمشي يمه ننصب المأتم

نصيح إهناك يا مظلوم نبني قبره المهدم

و إنقله إمصابك ما ننساه...نرفع رايتنه و نتعناه

ما يبقه القبر مهدوم...واويلاه عالمسموم

و إنشوف المنحر و الجفين