أنا الزهره الزجيه من يواسيني بمصاب الحسن يهمل دمع عيني

عله المسموم واويلي عله المظلوم واويلي

آنه الحاضره بمصيبته و عنده آنه الما أغيب إبساعة الشده

آنه الوالده و جبدي مثل جبده سم اللي قطع جبده يأذيني

شفته من يوصي بالعزيز حسين و إندارت بني هاشم يسار يمين

زينب نادته و يسيل دمع العين أتمنه قبل يومك عمت عيني

طلعوا كل بني هاشم يشيعونه لن أهل السقيفه إسهام يرمونه

ما قبلوا جنب جده يدفنونه و اليرمي سهم يا شيعه يرميني

طق صبر الغياره و فرعوا هاشم قالوا يم محمد يندفن لازم

و العباس بيده يهوس الصارم كون حسين أروح إلهم يخليني

نظر له حسين لكن طفحت إهمومه يقله السيف خله الكربله يومه

يوم المشرعه بالآلاف ملزومه موعدنه النهر و إهناك وافيني

يشيعه إبني الحسن إتشيع القبره بس حسين وحده و محد يحضره

شفت إخيول أميه تسحق إبصدره أصيح إهنا يا يمه و ما يحاجيني