صعب فرقاك يعضيدي...صعب فرقاك

أموت اوياك لو بيدي ...أموت اوياك

شقول اليوم ...أنا المظلوم

آنا حسين اخوك ودم يهل دمعي... يبو محمد الك انحب الك انعي

شوصف لك ياخويه حالتي و وضعي...مثل ضلع امي لجلك منحني ضلعي

تريد اتروح عن عيني... تريد اتروح

اظل مجروح تدريني... اظل مجروح

أظل مهضوم... انا المظلوم

اقول اوداعة اعيونك يبو محمد ...احس قلبي ويا جبدي ذاب وتمرد

على طول الدهر بيه الهضم يمتد ...اظل انعاك حد ما بالثره اتوسد

رفعت الصوت بونيني... رفعت الصوت

ياريت الموت بونيني ...ياريت الموت

إلك مالوم... انا المظلوم

ياخويه بحالتك قمت انظر لحالي...وأقارن بالجرالك واللي يجرالي

مثل جبدك يخويه انقطعت امالي ...مثل جبدك تصير ابكربلا اوصالي

عليه الحال يتكرر ...عليه الحال

اصير اوصال وا تكسر...اصير اوصال

ال_وض_ع م_ع_ل_وم... ان_ا ال_م_ظ_ل_وم

رحت يالروحتك يم فاطمة الزهره ...عفتني النايبات ودنيتي المره

إنكسر ظهري عليك و منهو اليجبره...كسر ثاني اليه بكربله اتنظره

فقد عباس اتصور ...فقد عباس

أبين الناس اتحير...ابين الناس

تجيني القوم ...انا المظلوم

اشوف ابجبدك المسموم المخذم ...صورعن كربله وهذا الطشت مرسم

رسمت لي السهم المثلث والمسمم... يقص جبدي و يرويني بمسيل الدم

سهم عطشان يرميني... سهم عطشان

على التربان يرديني...على التربان

بعد ما قوم ...انا المظلوم

بمصابك يالحسن عندي اتضح كل شي... عرفت اليا رزيه إبجذمي راح أمشي

شلت نعشك على عيني وعلى رمشي ...قلت منهو اليشيل ابكربله نعشي

ثلثتيام عالغبره ...ثلثتيام

عليه اسهام منتشره ...عليه اسهام

الصدر مهشوم ...انا المظلوم

دفنتك يالحسن في داخل احساسي... عدد حسراتي مثل اعداد انفاسي

اقلك من اودعك يا اعز ناسي ...باجر يندفن جسمي بلا راسي

يروح الراس وي زينب ...يروح الراس

عقب عباس تتسلب ...عقب عباس

دمعها دموم ...انا المظلوم