لأن الفاجدة مثلي تحس بيه واحس بيها

جسام آه يوليدي...جسام آه يوليدي

تجابلني و تنوح اوياي إلي ونة ولها ونه

و قلها إشلون من يندار ودمع ادموعي بالحنه

تنام المسعده بالليل و آنه إشلون أنامنه

آنا الما نمت ليلي ...بعد إبني صحت ويلي

يعني للولد سيلي

وين التبجي ويه مبجاي و أنا أبجي البواجيها

عليك الآه من تطلع أحس برويحيتي راحت

يا نسمة صبح يبني يورده يورده من الغصن طاحت

إذا يسكن جرح بيه جثيره إجروح بي صاحت

جنك يالولد ناسي...إرباي و دمعة إحساسي

أظل ألطم على راسي

تصيح الروح يا جسام تعالي إجفاك ياذيها

عسن نوم الهنه يبني عفت رمله إشيصبرها

أشمن ريحتك و أركض و بثيابي أدورها

ييمه البيك مكسوره تره ملقاك يجبرها

تعال و خل أضمنك ...صبر راح الصبر منك

و لو بالطيف أشوفنك

تعال و شوف حال أمك بعدك من يباريها

ييمه التنتظر غياب تقول إتعود غيابي

و آنه العفتك إموذر يغالي و أغلى أحبابي

بعد منهو اليمر بيه بعد يا جف يدق بابي

أظل للنوح و آلامي ...بعد عينك يجسامي

ييمه و خلصت إيامي

أخبرك و النظر وياك راح و قال ماجيها