على الآه يهاجر ماصبرتي ** تمنيت لون بالطف حضرتي

أحسبي مو جرح واحد ولا عشره ** يهاجر حنة العريس من نحره

تمنيت لون بالطف حضرتي

يهاجر قصة ابنج أدري عنها ** جرح شفتي اعله نحره وطحتي منها

أحس بالوالده المجروح إبنها ** تعالي وشاهدي رمله اويه بنها

يهاجر شفت عمه يحمله **ينادون تلگي أبنج يرمله

تنيته يعود بالصيوان منتظره **يهاجر حنة العريس دم نحره

تمنيت لون بالطف حضرتي

يهاجر من إجاني ايسيل دمه ** انا وزينب إجينه وطحنه يمه

أصيح بلا وعي اگعد يايمه ** رغم هذا وگلت فدوه العمه

شبابه اندفع بالطف هديه ** وصيته يايمه ابجي عليه

گلب أمك يايمه اعليك شيصبره ** ياهاجر حنة العريس من نحره

تمنيت لون بالطف حضرتي

اذا شفتي شباب تأمليهم ** يايمه وسولفي قصتي عليهم

وانظري هم أكو حنا بديهم ** واذكري صوت جاسم من حجيهم

تذكرين طفوا شمعه شبابي ** تنوحي الدمع دم لمصابي

اصيحن ياخلكَ عمر الورد عمره ** يهاجر حنة العريس من نحره

تمنيت لون بالطف حضرتي

يهاجر مو عجيبه شفتي جرحه **انا بعيني شفت سيف اليذبحه

رحل ليل الاماني ومات صبحه** على رمش الولد ماتت الفرحه

يهاجر تعالي ابجي اعلى حالي **غريبه وصفيت بلايا والي

على جفوف المصايب اكتب واقره** يهاجر حنة العريس من نحره

تمنيت لون بالطف حضرتي

أشوف حسين يهمل دمع عينه ** أنا وزينب تقابلنه وبجينه

أقلها الراح هم يرجع علينه ** تقل لي أيسي ونصفق بيدينه

يزينب ردت أعلگ شمعته ** بلدموع تعالي ندوف حنته

حلم عمري أوج شمع العرس مره ** يهاجر حنة العريس دم نحره

تمنيت لون بالطف حضرتي

يزينب آنا وانتي نحني جفه ** ولو ميت يزينب خل نزفه

اذا آنه ابعلي الأكبر أحلفه ** يگعد ما يضل نايم أعرفه

نزفه يازينب آنا وانتي ** هلاهل دمعتج وي دمعتي

ردت كسر الخواطر جاسم يجبره ** يهاجر حنة العريس دم نحره

تمنيت لون بالطف حضرتي

أنا لربيت يالغالي وعفتني ** أصيح وين حق رباي يبني

آنا امك يا جاسم ما شفتني ** بين السلب وبين الضربني

يا جاسم على الهز أناغيك ** يا جاسم على الغبره أخليك

أروح شلون يالنايم على الغبره ** ياهاجر حنة العريس دم نحره

تمنيت لون بالطف حضرتي