عذابي يا شهر منك عذابي...هلالك من يهل يبدء مصابي

شفت دمعه ...و طفت شمعه ...و نزف منحر

عله إهلالك شفت بيرغ مصايب رف...ينادي وين أبو اليمه الوعد بالطف

عجيبه يا هلال الذبحه تتلهف...يحز نحر النبي وي منحره المرهف

عله إهلالك شفت دمعة عطاشه و جف...سهم أهل الضلاله إيمزق المصحف

عجيبه يطلع إهلالك عجيبه ...يشوف المصطفه مصرع حبيبه

بجت عينه ...عله حسينه... إبدمع إحمر

هلالك يا شهر يجرحني لو شفته...دمع من الزغر بعيوني عاشرته

يراويني طفل و النبله ذابحته...و طفل يركض ألم و الجمره تابعته

بعد طفله تون من العطش سكته ...أخو يم النهر يتعذر من إخته

هلالك يكتب إبجرحي هلالك ...صحيفة فاجعه و دمعي قرى لك

جبل حزني... كثر وني... يبو الأكبر

هلالك يا شهر من ينشر أعلامه ...مصاب الطف أشوفه و أشعر آلامه

يراويني شباب و أجمل أيامه ...حلم أم الشباب و نظرة أحلامه

شبيه المصطفه و سيف اليطر هامه ...و حسرات الإبو من جابه لخيامه

يليله إستقبلي إبنج يليله...إجت تركض قبل أمه العقيله

قلب يرجف ...جرح ينزف... جرح كّبر

عله إهلالك ضلع ما ينجبر كسره ...بعد و إضلوع أشوف إمكسره و كثره

جف بأربع أصابع شايله الزهره...بعد خنصر و أشاهد فاطمه إتدوره

يظل أصعب سهم و الوالده إتنظره ...جسم جبده و طلع يا ويلي من ظهره

إبدليلي يا سهم كون إبدليلي...قبل إبني صحت منك يويلي

قبل جبده ...صبت جده ...و صبت حيدر

عله إهلالك أشاهد جن خيم تلهب...خيول إبلا عدد فوق الصدر تلعب

شفت طفله تموت و طفله تتسلب...طفل يم النهر يصرخ و لا يشرب

شفت نظرة عتب و إتأكدت زينب...عجب أم الخدر تاليها تتغرب

سبيه من بعد خدري سبيه ...تنادي و لا إجو أهل الحميه

نعم صعبه... برض غربه ...تظل خدر

يراويني هلالك عالنهر طفله ...تحوم إبلا وعي حيرانه مندهله

قبل ما ترتوي بثيابها إتحمله ...لبو الأكبر تريد البارد إتوصله

تديره إعله الجسم و المنحر إتغسله ...إذا ما ترتوي ما أشرب إتقله

رويتك يا ضوه إعيوني رويتك...رغم نار العطش جبته و إجيتك

صعب فقدك... يظل بعدك ...جمر يسعر