تبقه حبيبي للأبد إنت يا حسين هذا العهد من المهد إنت يا حسين

إنت يبن خير العمل أوسع سفينه و اللي يحبك بالحشر ما تبجي عينه

حبك يغالي إويه الدمه ظل يسري بينه ما نبتعد مهما حصل و إشهد علينه

يا قل هو الله أحد إنت يا حسين هذا العهد من المهد إنت يا حسين

يبن الزجيه إمحبتك هيه شرفنه غيرك يبو الأكبر أبد لا ما عرفنه

و إعله المشانق سيدي بإسمك هتفنه مو بس دماء من النحر غيره نزفنه

بدمانه وقعنه العهد إنت يا حسين هذا العهد من المهد إنت يا حسين

يا عاذلي عني إبتعد لتظن أسمعك وضعي تعرفه مو خفي ما يخفه وضعك

محبوبك إنت بالحشر خلي ينفعك إتركني يالطبعك حقد ظل إعله طبعك

محبوبي من أبٍ و جد إنت يا حسين هذا العهد من المهد إنت يا حسين

يا ناصبي هاك إستمع صوت الغياره صوت الملايين التجي يوم الزياره

ضرب الصدر يالناصبي ينطيك إشاره يعني نقلك للأبد ما ننسه ثاره

يا حب جمع هذا العدد إنت يا حسين هذا العهد من المهد إنت يا حسين

هاي الروافض من تحب ترخص دماها غصباً عله الحاقد يظل عالي لواها

إي و الرفعها إبلا عمد و اللي دحاها تبقه لحد قطع النفس خِلها و رجاها

تبقه القريب الما بعد إنت يا حسين هذا العهد من المهد إنت يا حسين

نفهم دروس التضحيه من كربلائك كل يوم ألا من ناصرٍ نسمع ندائك

يا ضامي من تضمه الأرض تروه بدمائك لبيكَ يبن المرتضه لو رف لوائك

إنت الشرف و المعتقد إنت يا حسين هذا العهد من المهد إنت يا حسين