منك لو قطعت ظنها بعدك ما تقطع ونها

زينب هاي المحشومه بنت الزهره المظلومه

وقفت يمك مهضومه شتريد إستفسر منها

نشف دمعتها التجري و قلها إنجانت ما تدري

بالطف إعليها إشيجري و عد من راح إتأمنها

قلها إدموعج ضميها يا زينب تحتاجيها

اليوم العاشر خليها أكلف يوم اليحزنها

ريتك تنظرها إبعينك صاحت يا حيدر وينك

ذبحوا يا بويه حسينك و أجانب إعيالك جنها

يا من سلمان إقصدته و صليت إعليه و إدفنته

جا ليش إحسينك عفته لم أوصاله و إدفنها

يالناوي إتسلم أمرك فدوه الأعمار العمرك

زود زينب من صبرك و إبجف عطفك سكّنها

هاي الجنت إمدللها منك شتريد إسألها

حط جفها إبجف كافلها و خلي الكافل يضمنها

بيدك نشف دمعتها و عن زينب وصي إخوتها

يا هو اليبره الناقتها لو طلعت من موطنها

عباس إتكفل بيها و الرايه إترف إعليها

جذم و جذم إيباريها من كل خوف إيطمنها

ما جانت تدري إتعوفه إعله الشاطي و يمه إجفوفه

و مسبيه إتطب للكوفه فقد الكافل دوهنها