إبلوعة قلب نادينه ...يا حيدر يوالينه

موحش يظل محرابك ...لو يتلايم إصوابك ...يا حيدر يوالينه

الليله إبغدره دين الباري سوره إنصاب ...و من دم الصميده إتفايض المحراب

و أملاك العرش تندب يداحي الباب ...إتون ون اليتامه و الدمع سجاب

إتنادي إنصاب أبو الغيره ...و قلبها طايح إبحيره

تندب شدة إمصابك ...لو يتلايم إصوابك ...يا حيدر يوالينه

الليله الكون تلهب جمرة أحزانه...و صيوان الهدايه إنههدت أركانه

علي بحر المكارم و الفخر شانه...علي الما خاب كل من قصد ديوانه

الدين إنلجمت إجروحه ...و الحيدر نصب نوحه

إينوح و يون لخضابك ...لو يتلايم إصوابك ...يا حيدر يوالينه

إشحال الشيعه من قصدت الواليها ...تفسر الصخر ونتها و بواجيها

يتامه و عقب حيدر من يراعيها ...و كل ظنها علي ينهض يحاجيها

تصيح إبحسره و بلوعه ...و نظرها فاضت إدموعه

تجيم النايحه أحبابك ...لو يتلايم إصوابك ...يا حيدر يوالينه

إشلون أهل الوفه من وصلت الداره ...تدق عالراس و العبرات تتجاره

إتريد إتشوف حيدر شنهي أخباره ...و لن جراحه دم تتفايض أنظاره

عن جرحك يبو الشده ...نريد الضمده إنشده

نظل بالنوح يم بابك ...لو يتلايم إصوابك ...يا حيدر يوالينه

يشيعه صاح هلوا مدمع الأحزان ...متوسع إصوابه داحي البيان

علي سور الهدايه و للشيم عنوان ...و مثل حال اليتامه إتيتم القرآن

راعي الزود و الهمه ...يشيعه إمخضب إبدمه

علي تنعاك أصحابك ...لو يتلايم إصوابك ...يا حيدر يوالينه

الليله إشحال قلي زينب الحره ...عله إفراش الأجل حيدر علي إتنظره

تدير الشوف لخوتها و تهل عبره ...يبو محمد أحلفك بأمك الزهره

يخويه خل نتجي له ...أبونه و منهدم حيله