حته القيامه ... تبقه الزعامه... الشيعتك

حي هله بآية الباري البيك دين الله يتوحد

وارث أنوار النبوه حي هله بوارث محمد

وارث اليمه وذخرها و بيك أبو اليمه يتجسد

و الكون لولاك اندثر... لا يبقه للعالم أثر

لا شمس طلعت لا قمر ... لا فلك صار و تشيد

كل ذره بيها الجيتك... تم إنتظامه

تبقه الزعامه... الشيعتك

بيك نور النبي اتصور هله ابجيتك يالمشكر

الليله كل مظلوم حصل منيته و بيكم تبشر

بيك كل ظالم ظلمنه خاب آماله و تقنطر

الليله الإمامه اتكملت ... يا البيك عالعالم زهت

و المرجعيه اتأيدت... و انت ظليت إلها مصدر

و احنه نتاني دولتك... رغم اللئامه

تبقه الزعامه... الشيعتك

الليله و الزهره الزجيه بيك يتحقق أملها

تمشي لرض الغاضريه بالدمع تمسح حزنها

تخبر العباس عنك تخبر ابجيتك شبلها

و اتقله هاي يبني الطحت... عالغبره روحي اتوسدت

الليله المرامك حصلت ... أنجبت نرجس ذخرها

غاية ولدها غايتك... ثارك مرامه

تبقه الزعامه... الشيعتك

يا المعاني الحب تجلت بيك و بأسمه المعاني

أكثر امن الحب أحبك إلك يشهد كل كياني

لشوكت تتناك روحي و يلهج بإسمك لساني

جم هلال ايمر علينه... بيها بالغربه بقينه

قلي يمته تصد لينه... يا الذي بيك الأماني

يمته ترفرف رايتك... ذخر الإمامه

تبقه الزعامه... الشيعتك

إلك هذا الحفل يزهر كل سنه و كل عام أكثر

إلك شوق القلب يكثر كل محب هالليله يسهر

بلجي نورك يهل لينه عالحفل مسرور تظهر

ندريك يمنه ابكل كتر ... جاعد امن العصر

و الحفل بيكم مزدهر ... كل كتر منه تنور

هاي الخدامه الشوفتك... أشرف خدامه

تبقه الزعامه... الشيعتك