بدر واكتملت اوصافه ... يبخت اللي دنه وشافه

بوجهه هيبة أسلافه ... ورضاب الشهد بشفافه

يذوب الشوق لو عافه ... ويثني العاشق أعطافه

العليل ابنوره يتشافه ... حباه الباري بألطافه

يا رب لذنه بحبه من نارك نارك

علي ياللي علا شانه ... يسيف الحق وميزانه

بفرح طير الهنه جانه ... يرف بالشوق جنحانه

يزف البشرى بألحانه ... إليك بأغلى ريحانه

وسبحان اللي بعنانه ... رسم نوره يسبحانه

واله تشوفه بالحشر جارك جارك

نشر طير الهنه اجناحه ... علينه وغرد أفراحه

سمعنه الدنيه صدّاحه ... وصفگنه الراحه بالراحه

هله ومدّ الغلا وشاحه ... ومعاني البهجة وضّاحه

هله وعلّ الهوى سناحه ... يخامس وردة فوّأحه

يلي تحبه بمولده شارك شارك

عسى اللي بحبه جمّعنه ... ومن أغصانه فرّعنه

فرح ميلاده يسمعنه ...ولا عن فضله يحرمنه

نحب احسين ولا عنه ... نميل ونبقى نتعنه

لهُ بالعرصه نتمنه ... اعلى إيده ندخل الجنة

دار المغنى يا لمحب دارك دارك

نهني حيدر بولْدَهْ ... ونهني فاطمة وجده

وكلمن قلبه ايودّه ... نقبّل هامته وخدّه

هني ياله إليزف سعده ... وشوقه مشتعل حده

يجرب چفه ويمده ... ومحال الواحد يرده

هالليلة الأمل صفا وزارك زارك