هالليله فرحنه إبمبعث المختار

و هنينه الزجيه و حيدر الكرار

عله أفلاك الوسيعه شعت الأنوار

و زفينه الفرحه الهادينه

هالليله إنبعث طاها النبي المختار

و الليله إنولد حيدر علي الكرار

هالليله إنكتبتوا بالسجل زوار

هنياله الحاضر ويانه

الليله إبمبعث المختار متهنين

أبو الزهره الزجيه و سيد الكونين

إبحبه إنموت نبقه إعله الدرب ماشين

و شاركنه الهادي بأفراحه

قالوا حيدره أشّر إبذاك اليوم

و رجع له الشمس ربنه العلي القيوم

مو لجل الصلاه خل اليلوم إيلوم

ربك رجعها إتصلي له

حقنه إبليلة المبعث نهني حسين

لأن جده محمد علت التكوين

إبوه المرتضه الرد الشمس مرتين

و حسين المبعوث الليله