و إيردد نشيده...أيامكم سعيده

جنة العراق إيصير ...كل و إنتو بخير

طير المحبه اليوم بفراحه غّرد

شاهد إهلال العيد ويانه عيد

و يرتل القرآن بآية محمد

و يقول باب الخير بابه مينسد

بالخير هذا الباب ...مفتوح للأحباب

من يدخلون الناس...بيه يرتون إبكاس

من منبع التكبير...كل عام و إنتو بخير

طير المحبه أوراد قدم هديه

الهذا الوطن للناس للمرجعيه

تحمل عطر محراب حامي الحميه

حته السلام إيصير هوَ الهويه

هاي الورود إتريد ...كل يوم يصبح عيد

بالرحمه بالإحسان ...بالوطن بالإيمان

من يعلن التحرير...كل عام و إنتو إبخير

طير المحبه إيقول كل إحنه أحباب

بالصبر و الإحسان و الناس الأطياب

إبوحدتنه إي والله نهزم الإرهاب

و الوطن هذا إيصير للخوه محراب

و بوقفة الأبطال...تتفاخر الأجيال

نتذكر عهدنه...و التضحيه البلدنه

و يتزايد التقدير...كل عام و إنتو إبخير

من كربله الأملاك تحمل تهاني

للنجف في هاليوم أسمه المعاني

و الكاظميه إتقول سامره و آني

نتمنه للزوار أجمل أماني

و برض البقيع إهناك ...خل تكتب الأملاك

جلمات للهدايه ...تتغنه بالولايه

من آية التطهير...كل عام و إنتو إبخير