حته يوم الحشر أهتف...يا علي إنت أميري

صوت كل لحظه أسمعه إبداخلي...يقسم بآية ولائك يا علي

خلي يسمع كل حقود و جاهلي...تبقه إنت القائد و إنت الولي

كلمن يحبك يحيدر...يقتدي بمالك الأشتر

و على أوتار المجد يعزف...يا علي إنت أميري

ياعلي حبك تراني من أصر...صارت إنشوده عله إشفاف الخضر

ميثم التمار من عدها و حجر...إتعلموا معنه الشهاده و الصبر

و آني من قبل الولاده...أسمع إبثالث شهاده

بالأصلاب و جنت أعرف...يا علي إنت أميري

إحنه مثل إكميل أعلنه الولاء...إنجاوبك لبيك من تطلق نداء

صار كل مؤمن يوقعه بالدماء...عالسمع و الطاعه لصحاب الكساء

حيدري يقول بيقيني...ومبدأي ثوري حسيني

و حته لو عالموت أشرف...يا علي إنت أميري

يا علي بيعة غديرك للأبد ...تبقه بالأعناق ميثاق و عهد

هيه للإسلام روح المعتقد...و البقه ثابت على حبك خلد

مثل عمار و ثباته ...يهتف بلحظه مماته

و حته جرحه الجان ينزف...يا علي إنت أميري

بيعتك تاج أصبحت ويه الزمن ...و بس محبك يدخل الجنة عدن

تجلي عنه إهموم و آهات المحن...من ينادي يا علي يا با الحسن

جرب بساعة الشده...لليندبك ما ترده

رايتك فوقه ترفرف...يا علي إنت أميري