مثل الأمواج الكربله طلعت مواكبنه

و الصيحه وحده يا علي وينه اليحاربنه

كل إحنه عابس و العشق فارس إبمذهبنه

ننزع الأرواح و نجي لو ردت تطلبنه

صرخه حسينية ...جينه فدائيه

لجلك سحقنه إعله الخطر و المهدي ويانه

نقسم ابزينب ما يردنه ابن مرجانه

منحرنه إعله الشمر يا شمر هاذانه

ننتصر لمن ننذبح و حسين مولانه

صحنه إبصدق نيه جينه ...جينه فدائيه

هاك العهد يبن العهد من إقلوب زوارك

برواحنه إنوفي مثلما وفت أنصارك

جمره ووسط قلب المحب ما تنطفي نارك

حته لون راعي الأمر قام و أخذ ثارك

دمعتنه مجريه ...جينه فدائيه

خله يفجرنه الذي حاربنه تكفيره

شيعة علي إوداعة علي ميهزنه تفجيره

طبينه ساحة كربله و العالم إبحيره

وويانه قام إبرايته عباس أبو الغيره

بالوفه إيشع ضيه ...جينه فدائيه

لو سال دمنه إعله الأرض بيه نكتب إحروفك

يحسين لو صرنه وذر تجمعنه بجفوفك

من فجرونه الناصبه كل ظنهم إنعوفك

و إستغربوا من شاهدوا أشلاءنا إتطوفك

و بحضرتك هيه ...جينه فدائيه

خلينه خصمك مندهل و إمدوهن و حاير

يمنعنه عنك ما قدر بالماضي و الحاضر

ذوله إحنه زوارك نحن حنت قلب جابر

هنياله كلمن ينكتب في دفترك زاير

حاجتنه مقضيه ...جينه فدائيه