يبني يالمهدي ينور إعيوني أمك آنه فاطمه ظلموني

هالصوت من فاطمه هالصوت من فاطمه

بس رحل جدك الهادي المصطفه و جفن عينه اللي يناطرني غفه

عشت من بعده حزينه و خايفه وليه يوليدي العده إتولوني

صارت إعليه الفتن يبني تحوم شاهدت آلالام مو هينه و هموم

إشلون أوصف لك على داري الهجوم مجرمين إبلا رحم قصدوني

بالخطر و الشر أخبرك هيست يبني خلف الباب من عدهم لذت

حيل دفعوها عله صدري و صحت إنصاب صدري ساعة العصروني

تدري بيه لون أنطيك الخبر ضلع مني يا ضوه إعيوني إنكسر

باب داري شفته بالنار إستعر و طاح مني المحسن و فجعوني

بيك يبني لحظة العصره إنتخيت ما دريت إشصار بيه ما دريت

إنغمه إعليه يا أمل عمري و غفيت آنه بنت المصطفه و هضموني

ضلعي من عندي إبحقدهم صوبوه و قدري يالمهدي أخبرك ما رعوه

علي جدك شفته متجتف خدوه من خذوا جدك علي آذوني

يبني ما حفظوا مقامي و هيبتي و بالهجوم إعليه هتكوا حرمتي

إيذوب قلبك من تشاهد حالتي جرحوا مني بسياط إمتوني