هل بالسمه جبريل دمعه السجاب...إنصابت الزهره صاح يا داحي الباب

حيدر قوم إنهض للزهره

هذا الصده هز العرش و أركانه ...و الحق تضعضع و إنهدم صيوانه

و إستعرت ابقلب الفلك نيرانه ...من صاحت الزهره الضلع مني إنصاب

و طاح المحسن فوق الغبره

من سمع حيدر قام بيده الصمصام ...إتحزم إبشيمة عزمه و الغيره إحزام

و الله لكور الليله هاي الظلام ...إبخيبر لذكرها و ببدر و الأحزاب

و هاليوم إتظل دوم إتذكره

رد صوت لملاك إبحزن يالكرار...يالصارمك نار و يشب عالأشرار

بالصبر مو وصاك طاها المختار...الهالموزمه تحسب يبو حسين إحساب

الحرق الباب و ذيك السطره

حين السمع حيدر إتعاله هالصوت ...يمخلص إسماعيل من حلق الموت

و لولاك يونس ما نجه و زاعه الحوت ...إبسهم الصبر حيدر إبدلاله إنصاب

و سلم أمره الرب القدره

و حين اللي جتفوا حيدر إبغدره القوم ...أم الحزن صاحت إبحسرة مالوم

عن ابن عمي خلوا لو أدعوا اليوم ...للباري من اللوعه دلالي ذاب

و هشموا ضلعي إبذيج العصره

يالهادي صاحت قوم و إنظر لوني ...عقبك يبويه القوم ما راعوني

سقطوا طفلي و عالوجه سطروني...و يدروني بضعة طاها سيد الأطياب

شيقولون إبيوم الحسره