صوت الضلع......أذن دمع... لمن رحل

ضلع السمه ابباب النوايب منهشم

عين الوحي تهمل دمع مهوه النجم

اعله اهل الكسه وجه المآسي ينرسم

طه إنفقد... و ظل للابد ...ليل الوجل

من تزهر بوجه النبي جنة عدن

للرحمة يذبح سيف ابن عبد الوثن

يقتل محمد لو عصر أم الحسن

لأم الحزن... يبجي ويحن... خير العمل

الدنيا وحشة ومظلمه إخدود الصبر

وبلا صده انجوم السمه اتشيع البدر

معراجه لله ومايضم طه القبر

للرب عرج... و باب الفرج... بعده اشتعل

خيم على العالم ظلام الفاجعه

واهتزت أملاك السماء السابعه

ابيوم اللي يذهل كل رضيع و مرضعه

برزت سقر ...وين المفر ...ماضل أمل

لامأذنه أذن وريد الفاتحه

وأم السور عالهادي نظره شابحه

الدنيا خسرت والجنان الرابحه

بالمصطفه... دمع الوفه... من دم همل

إبدمع الصبر غسل محمد حيدره

ولا واحد امن اصحابه عند دفنه احضره

ابصورت سقيفه تجله إبليس الوره

جبت الكفر... صدر أمر... عودة هبل

واجتمعت الامة اعلة باطلها وصفه

تاج الولاية وحده عقب المصطفه

حيدر عليه أهل الغدر متحالفه

تحمل حقد ...بدر وأحد... أهل الجهل

بعد النبي ماتنشف آيات الدمع

ولا يكتفي الكفر بكسر أطهر ضلع

بالطف حقد أهل السقيفه يجتمع

ويحدي السبه... ابركب الابه ...عن الاهل