حسين إينادي راح ابن أمي حسين إينادي راح ابن أمي

الله إيعينه إشهاي الجمره ما يطفيها ابسيل العبره

إعضيده امن الوالد و الزهره هاليوم إيواريه القبره

و مكسور الخاطر شيجبره خالي إمجانه اليوم إينظره

إينادي إعضيدي شو مو يمي حسين إينادي راح ابن أمي

شاف اليوم اشلون إتشيع إسهام القوم إبنعشه توقع

و الصوت اليوصل للمسمع إبنعش اعضيدي يحسين إرجع

لا له عند الهادي مضجع و حسين ابها الصوت إتصدع

القوم النعش إعضيدي ترمي حسين إينادي راح ابن أمي

و جسام إيشاهد بعيونه نعش الوالد من يرمونه

إيصيح الوالد شيطلبونه إنزوره الجده ميخلونه

عن قبر الهادي يمنعونه جا هيجي الناس يجازونه

بمصاب الوالد و بيتمي حسين إينادي راح ابن أمي

جسام إمن العود إتيتم ابزغر إسنينه و يشعر بالهم

يوقف يم عمه و يتكلم عودي ايقله قتلوه بالسم

قلبه ابسم عدوانه إتخدم بعد اشعدهم عدنه يا عم

يرمونه إشعدهم يا عمي حسين إينادي راح ابن أمي

إشحال حسين و قلبه و همه إيشوف الجاسم يصرخ يمه

قلبه إيذوب الحاله و يتمه إيشوف اعضيده إسهام ابجسمه

يشعر بالنكبه و بالصدمه إيشوف الإخوه إتنادي بإسمه

كلمن قال إقتلني همي حسين إينادي راح ابن أمي

حسين إيقله إصبر يمشكر وصانا اعضيدك ما نقدر

نصبر هذا اعلينه إمقدر بالطف يومك أعظم و أخطر

مخ راسك بالطف يتطشر إتروح إجفوفك يا بن حيدر

و إتظل إعله الشاطي مرمي حسين إينادي راح ابن أمي