خليها تشهد كربله خليها تشهد كربله

طبت رجل واحد نطب و إنخلي ميدان الحرب

مثل الرحه و إحنه القطب و إعليهم إنصب البله

نحويهم إبوسعة صدر و إنلمهم و بيهم نكر

منهم فلا نقبل عذر و لا عدنه راي إنبذله

يا عذر منهم ينقبل للاة و سجدو للعجل

خانوا نهج سيد الرسل طاها النبي سيد المله

سمعوا الهادي إبغيبته وصه لصحاب إبعترته

و حسين روحه و مهجته و من ثغره جان إيقبل

و الجازوا حسين إبغدر و أسفار دزوا له إشكثر

إقدم علينه و إنتظر يحسين طحنه ابمعضله

كتبوا كتب هلوا دمع يشكون لحسين الوضع

بس الغدر بيهم طبع غدروا علي عقد الوله

و هيهات طبع البلبدن يتغير ابغير الجفن

يلعنهم إبطول الزمن كل شهم صاحب مرجله

يحسين و إحنه أهل الشيم و أهل المبادئ و القيم

ساتر نصف دون الخيم و نحمي بدمانه العايله