خويه يا التنشد ... وين اليناصر وين

عدنه المنتظر ... و احنه الفدائين

هاي الضماير ... كلها تناصر

يالتصتصرخ الأمه و اتنادي اليناصر وين

و احنه المنتظر عدنه و للغيره ندير العين

و اصبرنه العمر كله ظلينه ابلهف تانين

تنينه و هم بعد نتنه عدنه الصبر ركن الدين

حاشانه الصبر ننساه ننسه اشلون أبو الحسنين

علمنه الصبر صبره لسه اعله العهد ماضين

تنينه المنتظر يظهر من آل النبي الياسين

لا زينب يخليها لسه اتباوع الجفين

دوم انتظرنه ... بإسمه انتهضنه

هاي الأمه بإسم اتضحي بدماها ... اشجم ثوره حسينيه علناها

هاك اتمعن التاريخ هاك الشعب ماضيه

هاك اسمع بطولاته و نهضاته الإلهيه

ثرنه اعله الظلم جولات واحنه الفخر راعيه

سمونه الحسينين و لا اتسمينه رجعيه

بإسمه اعله الكفر ثرنه و لا ارضينه العبوديه

و احنه صرخة المختار و ثاراته الحسينيه

و ثورة زيد ابن سجاد احنه الثاره أهاليه

و احنه ثورة العشرين للثوره معانيه

لاجن كثرت الظلام و افنونه و أفاعيه

و غيبة حجة الأحرار للأمه أمانيه

ضاع امن الشعب عزمه خابت كل مساعيه

تنينه صرخة المظلوم تنينه النصر واليه

دربه دربنه ... و عزمه عزمنه

شبل العسكري نور الضماير هاي ... جن ابمقدمه و جنك تنادي اوياي

هالجور اليمر بينه جنه ابلوحة الأقدار

خط الدهر بجينه يالتنشد علينه اشصار

من يوم اغمضت عينه وودعنه النبي المختار

من غاب النبي الهادي دولاب الدهر جن دار

مقلوب الزمن داره و اعرفنه الفلك غدار

غدروا بضعة المختار نكروا حيدر الكرار

شفنه و العدو ابسمه سمم بهجة الأنظار

عالغبره انذبح عطشان بالطف مشعل الثوار

و لا يومن شبه يومه مر ابكربله و لا صار

لساع العده لسه اتذبح خلصت الأحرار

عهد الظلم طال ... ظلت الأجيال

اتعاني الضيم و لا عافت مباديها ... تدري المنتظر وحده ينجيها

تنينه و هم بعد نتنه ما زال النفس بينه

يبني العسكري و طحنه جا يمته ترد لينه

و اجرعنه الهضم و الجور للساع لك تانينه

لساع الضماير هاي تصرخ و الفرج وينه

قاومنه و صبرنه أجيال ضاع التعب واسنينه

ابغيرك حجة الأحرار خابت كل مساعينه

و اجزينه حزن يعقوب و لا واحد يواسينه

يوسف رد رجع لهواه جا وين اليرد لينه

يمته تجينه ... بيك انتخينه

دعوة هالضماير يمته اتلبيها ... يبن العسكري و لا غيرك واليها