وعدك علينه طال وينك يا غايب ما عدنه مهجه و روح تحمل مصايب

وينك يمن بحماك عشنه و ربينه غيبتك يالمحجوب طالت علينه

و احنه ابهضم و ابجور و شيطح بدينه دنيانه محنه و نوح دمعه و نوايب

فات و جزه الميعاد فات و جزانه ابهمها و سهم فرقاك صدنه و رمانه

و شيصبر العاداه دهره و زمانه ما يرجع إلنه اجواب و كلما نخاطب

اقضينه العمر ونات ونه اعله ونه و الينطر الموعود جيف ايتهنه

جاوبنه يلمحجوب نقطع مظنه لو نشبح العينين و ليك و نراقب

كلما يجينا عام لو يمر بينه انأيس نقول اردوود لابد يجينه

و احجاية العذال تصعب علينه فوق الهجر و النوب و حجي النواصب

شنجاوب اليحجون و شنحضر اجواب لو قالوا الموعود طول بالغياب

هجرك بعد شيفيد وشوده و شجاب بس نايبات و نوح بين الغوالب