بس هالليل ويه حسين يجمعني صحت وسفه زماني بيك يفجعني

ما ظنيت تتركني و تودعني أخير إوداع يصبح بينه و بيني

و لا تنشدني خويه حسين عن حالي و مالي حال و أسمع نوح دلالي

عقب ذيج الزلم بيتي يظل خالي و جتالك أشوفه خويه يحديني

و ليل اللي يمر عالناس ما نامه و من دهري جفاني و لوعت أيامه

ابفقد حسين و قلبي يدن إسهامه و لا واحد يصد لي و يسمع اونيني

بعد و أكلف مصيبه العذبت حالي قطع حادي الضعن و إنقطعت آمالي

إنهدم حيلي بقيت ابحسرة الوالي و ما بين العده وسفه تخليني

إشلون اعيوني خويه عالثره إتنظرك و أشوف الخيل لو داست على صدرك

و أعاين للشمر لمن يحز نحرك و إمسلب أشوفك يا نظر عيني

و أنظر راسك ابراس الرمح مرفوع يحسين و أشوفن خنصرك مقطوع

يجاوبها و على شيبه تهل إدموع ذبيح اعله الثره لازم تشوفيني

يقل إلها يزينب عالمحن صبرج صبري و الصبر مريود من عندج

للباري يخويه فوضي أمرج تهيجين الجرح حين التودعيني

تشوفيني يزينب عالثره مطروح تشوفين الدمه من منحري مسفوح

يخويه ابكربله بين العده مذبوح و خليني أودعج لا تألميني