يا موعود يوم الثار حل يومه يا موعود يوم الثار حل يومه

نترجاك يالموعدك رباني يا موعود كافي الصبر شمتاني

قوم و شوف بعيونك السفياني حاقد جاي و اعلينه زاع اسمومه

تعلم زين باللي جره ابسامره و اليردون من حب علي نتبره

لا والله لو متنه ميت مره داحي الباب بدمانه حبه انسومه

كلما صار عندك علم بخباره يوم الباب طول الوكت آثاره

يالموعود وبكل ضلع مسماره يوم الصاب ضلع أمك المظلومه

وعدك حان و احنه نريدك تظهر صوت الثار أذن ابدارك كبّر

صيح اشلون مرقد ابوك اتفجر و الأسباب يبن الحسن معلومه

جيش ايزيد لينه رجع بطباعه و يبغضون حيدر علي و أتباعه

و إحنه انصيح حلت يمهدي الساعه و إبن ازياد للذبح حشد قومه

صيح ابصوت يا جبد جدي و نحره قلهم ليش بالخيل داسوا صدره

ثالث يوم و بلا دفن عالغبره صيح حسين مسلوبه ليش اهدومه

وراعي الجود عن جوده إنشد وينه قلهم وين سهم اللي صوب عينه

و إخذ ابثار راعي الوفه و جفينه حزني اعليج يا زينب المهضومه