رقيه إنريد نستعرض مصيبتها مصيبه ابمدمع الأحزان كتبتها

بنت حسين ما ننساها نور العين ما ننساها

كل ما نعتني و إنزور مرقدها صور محنة مصايبها نشاهدها

تذكرنه رقيه ابراس والدها حين الشبكته و إتسيل دمعتها

رقيه اللي جره اعليها يصدع اجبال طفله و ما تماثلها أبد أطفال

شافت فاجعه و ضيم و محن و أهوال مصايب كربله هالطفله شافتها

من نذكر رقيه تسيل دمعتنه و تخنقنه عليها و الله عبرتنه

رقيه لو نشوف أطفال وصتنه نذكر ما جره اعليها ابطفولتها

يا غربة رقيه اشأثرت بينه نار و من يمر ذكراها تجوينه

عليها ابكل زمن ننصب تعازينه رسمنه ابكل قلب بالدمعه صورتها

محبين الزيارتها تعنينه حنين حسين إبوها ليها يحدينه

رقيه اشما نريد الليله تنطينه كريمه و الكرم أصبح سجيتها

كريمه و الله و الحاجات تقضيها طبيبه و العلل كلها تشافيها

نريد إبدمعة الزهره نحاجيها توفقنه و نجي دوم الزيارتها