قلبها من الغضب دم صاحب الجفين

و حق حيدر علي و لو ما يمنعه حسين

السموات السبع عباس بالأرضين

طق سبعه ابسبعه و ساواها

يا عباس مثلك ما يصير إثنين

و مثل خوتك بعد خوان تلقه من انين

راسك عالرمح و يصيح عوف حسين

لا أنزل و الدنيه أفنيها

من مره العطش و بصدر إخوه إنداس

صعدت بيه الغيره امن الجذم للراس

دار النهر كله إبجربته العباس

كل ماي الشط ما كفاها

يا عباس مثلك ما تشيل إبطون

و لا خوان مثلك بالزلم يلقون

شجاع امن المهد من مثلك إيوصفون

بس طاح من أمه و سل سيفه

عباس الكريم الما يرد طلاب

و ربك جعل بابه للنجاة أسباب

باب و ينفتح من غير دقت باب

باب الله الواسع يا بابه