وصاك أبويه ابكربله... يعباس قلك تحامي العايله ... يعباس

قوم يا عباس شوف اللي جره فوق نار الضمه إخيام اموجره

اشلون تقبل تنسبي بت حيدره وينك يبن عقد الوله... يعباس

ما أظن ترضاها تبقه اعله الثره و آنه عالموعد بعدني امناطره

وين وعدك و إنت سبع القنطره عن وعدك إلمن أسأله... يعباس

اشلون تقبل نايم اتظل عالترب اشلون ترضه المتن زينب ينضرب

اشلون وحدي اتعوفني ابدار الغرب و الضعني إنت الكافله... يعباس

خويه بحماك آنه أحس ابعزتي يالحنيت الكون كله الهيبتي

قوم شوف إعداك حرقوا خيمتي و إمقيديني إبسلسله... يعباس

قوم يا بو الغيره يا تاج الفخر قوم شوف الشمر للمذبح حضر

فوق صدر حسين و يحز النحر و الدم تجاره اعله الفله... يعباس

يالنمت فوق الترب عالمشرعه جنت صوة الآه لو بس تسمعه

تطبق الأرض إبسماها السابعه الطف دقوم و زلزله... يعباس