يا رسول الأمه يا هاديها قوم إدرك زينب وواسيها

هاليوم لا تنساها بحزان نوح إوياها

يا رسول الله و ختام الأنبياء قوم طر قبرك و إقصد كربلاء

إمن المدينه و عَلي رايات العزاء يوم عاشر و الدموع إجريها

إذرف إدموعك يسيد المرسلين و إلطم بيمناك حيل إعله الجبين

إدرك الفقدت إخوتها الطيبين زينب إبطف كربله وواديها

قوم إدركها يجدها إشعطلك ليها تحضر بت علي تتأملك

إتصور إبيا حال من تستقبلك و يا مصيبه الحضرتك تشكيها

أظن تدري اشلون يا سيد المله تنتظر جيتك بت عقد الوله

فوق تل الهضم لاجن شايله إجفوف كافلها القمر بيديها

اليوم زينب مرت بصعب ظروف من عقب كافلها مقطوع الجفوف

تصد للحومه إبنواظرها و تشوف الشمر لمن حز نحر واليها

زينب ابهالحال سبطك شافته فوق صدره الشمر ثاني ركبته

إبيسرته قابض يجده شيبته و خنجره الرقبته يقطع بيها

نادتك بحزان بت خير النساء يا رسول الله لاجن يا نداء

إتقلك حسينك إمدد بالعراء جثته فيض الدمه جاسيها