يحسين يحسين زوارك تعنينه يحسين يحسين زوارك تعنينه

إلك من كل كتر مشه نعتني على أعتابك يبو اليمه ننحني

عزم عدنه ما يلين و ينثني عن طريقك ما تزل رجلينه

يالطريقك تشع بيه شمس العدل خطوه عنه و ضلع أمك ما نزل

و إعله حبك حته لو نخلص جتل إحنه نشعر بعد ما ضحينه

ما نوافي اشما نضحي اشما نبيع من أجلنه قدمت حتى الرضيع

حته عن ذنوبنه تصفح شفيع إنت رحمه من لطف بارينه

ما يهمنه التعب و الدرب البعيد جزء من معنه الوفه إنقدم نريد

ما نعوفك لو ألف طاغي و يزيد ما يأثر يبو اليمه إعلينه

لون جانوا قبل يهدوا لك جفوف إحنه نهدي إرقابنه الحد السيوف

عوض عن نصرتنه لك يوم الطفوف بين إيديك التضحيه إتمنينه

من صحت يحسين لبينه النداء و إعتنينه نركض الطف كربلاء

إلك يبن المرتضه إحنه فداء رغم شر عدوانك إتحدينه

الباري رحمه للعباد إختارك شيعتك مختارهم و أنصارك

إشلون ما نتعنه لك زوارك عهد هذا إوياك يا والينه