أرد ناشد يا أرض أرض الفداء...كربلاء

و يا تراب اعليه بجت دم السماء...كربلاء

و يا مدينه البيها مقبول الدعاء...كربلاء

و للشمس يا تربه تنطيها الضياء...كربلاء

يا مصيبه الزلزلت عرش الجليل...كربلاء

و يا ترب فوقاه بجت عين الخليل...كربلاء

و يا إسم بس ينذكر دمعك يسيل...كربلاء

و يا أرض بيها إنقطع جف الكفيل...كربلاء

يا وطن بيه مندفن ثار الإله...كربلاء

و يا مكان الجنه تتباعى بثراه...كربلاء

و ياى بلد بيه قدم حسين الفداه...كربلاء

و زينب بيا ديره صاحت وآخاه...كربلاء

يا نداء الترتعب منه الطغاة...كربلاء

و منه أضحت كعبه تقصدها الأباة...كربلاء

يا ترب نسجد عليه وكت الصلاة ...كربلاء

ووين ظل الماي حاير بالفلاة ...كربلاء

يا مدينه البيها يضون كوكبين...كربلاء

و يا ديار التحوي نور المرقدين...كربلاء

وين أبو أبو الأكبر و مقطوع اليدين...كربلاء

وين عابس نادى جنني الحسين .. كربلاء

ابيا ثره سجدت على حسين السيوف...كربلاء

و اللي ما يقدر يحج بيمن يطوف...كربلاء

و يا هتاف المهدي يهتف بالصفوف...كربلاء

و عن بعد يا كعبه بعيونك تشوف...كربلاء

ابيا مكان الخيل سحقت عالضلوع...كربلاء

و يا زفاف الدمعه بيه تطفي الشموع...كربلاء

وين الأكبر طاح ما بين الجموع...كربلاء

و يا شعار اليجمع الدم و الدموع...كربلاء