لوعة الطف العجيبه للمحب بالهم تصيبه

بيها أهوال و نوايب خلت الحره غريبه

الليله عن إثنين أخبرك من بنات ابن الزجيه

الأوله ظلت بالمدينه الثانيه بالطف سبيه

فاطمه الطفله العليله ما مشت للغاضريه

بالخيال إتصورتها جانت إتخاطب رقيه

و بخيالي إتصورتهن عالهضم يحجن سويه

فاطمه إتقلها الإختها من مشيتوا إشظل إليه

داري موحش و الليالي خيمن بالهم عليه

يا رقيه و عيني ظلت تنتحب صبح و مسيه

لن رقيه إتنادي يختي همج أهون من همومي

آنه يوم الغاضريه حرم إعله إعيوني نومي

جنت بالخوف أقضي ليلي و بالدمع يتقضه يومي

إبكربله حرقوا خيمنه و آنه بين الخيل أحومي

إتجاوب إعليها العليله إبرغم كل همج يا إختي

إنتي يمج عمتي زينب و آنه بس ويايه علتي

لا مسح والي إعله راسي و لا إخو الجفف دمعتي

إنتي ودعتي لبويه و آنه ظليت إبحسرتي