آه يحسين و إمصابه ناجح الصار ابدفترك عنوانه

يحسين ريجي الماي ما يحلاله امن اتصوره ادموعي تظل هماله

أذكر رضيعك من يبس دلاله ابجمر العطش قلبه توج نيرانه

ابماي العذب يحسين جيه نتهنه و يحرم عله اطفالك متشرب منه

جم طفل ظل يجذب عليه الونه جم طفله ظلت ضاميه و عطشانه

يحسين عيني من تصد للشبان أذكر علي الأكبر و شمعة عدنان

جني أشوفه امعفر اعله التربان و الذاري جسمه امجفنه ابتربانه

يحسين لو عريس عيني اتشوفه أذكر الجاسم و أنتحب عالحوفه

من دم وريده خضبوا له اجفوفه تنحب على صدره رمك عدوانه

يحسين و الله لو ذكرت امصابك روحي توج ابنار مثل أطنابك

و أهجس ابقلبي اصواب مثل اصوابك و سهم المثلث بالجبد نيشانه