هاك صرخات الضعينه وليه يا بويه انولينه

اشلون للطف ما قمت بالعيال اتكفلت

وليه يا بويه انولينه

لوردت اقلك بالمصايب كلها ما اظن يا كرار تتحملها

آخرها الحسين او علي أولها اول شباب الحومته طب الها

قدمه والد اسكينه للحرب و تنظره عينه

او حين قومه اتولته اشلون صرنه ابطيحته

وليه يا بويه انولينه

شحجي او شسولف لك يبوية ابها الليل مثّلوا بالأجسام أبشع تمثيل

نتراجف او نتراكض ابين الخيل تتمايل اوياي الرزايا اشما ميل

اشقلت يابه الحسن بينه شق ضريحك و عتنينه

انهض و لا تعتذر و احضر بنات الخدر

وليه يا بويه انولينه

لوردت اقلك حين ذبحوا جسام يا بويه بهدوم العرس جاسم نام

حنوا اجفوفه بدم وريده الظلام ولّد ابقلب امه الحزينه آلام

ابنار شب قلب الحزينه اهدعش ما بلغت اسنينه

ابيوم من ضّحه النفس ابحوفته او عاف العرس

وليه يا بويه انولينه

لوردت اقلك عن اخوي العباس عالمشرعة من دارت اعليه الناس

قطعوا اجفوفه و العمد طر الراس و السهم صوب عينه راعي النوماس

بالسهم صوبوا عينه قطعوا ايساره و يمينه

عالنهر حين الوقع للخيم ما رجع

وليه يا بويه انولينه

حين الهوت فتية عقيل بدمها راح ابو السجاد او تعذر يمها

رد للانصار او للحرب قدمها ضّحت او سيف الأجل من خذمها

رد أبو اليمه علينه اينادي وين الطفل وينه

من خداه امن الخيم جابه و بعينه السهم

وليه يا بويه انولينه