يا جسام جم بيَ إلك حسره و شيجبره القلب يا وليدي من كسره

كسر قلبي يا جاسم ما كمل فرحه أشلون ايطيب كسره و يلتئم جرحه

و قلبي ضاعت أحلامه و فقد صبحه ويا مصباح القلب يا كوكبك فجره

و جم عبره تموت ابصدري يا جسام من أذكر مصابك جيف عيني اتنام

و يا عريس يا فتشت دليلي الهام و بيك و بالطفوف اتحيرت بأمره

بأمره اتحير و حار الفكر ببجاه و تدري من يصب دمعه أصيح اوياه

وينك يا ثمر قلبي و ضوه عيناه و أشهق شهقة المات و جزع صبره

أصبره و يا قلب يحمل ابعينه ايشوف و نايم عالترب لمناشدك ملهوف

اشحال أمك يا جاسم قوم يابني و شوف و مثل اجروحك اجروح القلب كثره

و طبرات البلجسمك جاسم ابقلبي و صابتني بعيوني و تهيت دربي

و يا بهجة أيامي و غايتي و تعبي و ما يوم احسبت الدهر ايغدره

غدر بيه الدهر زماني ابفرحتي و سلواي و راح اوياك تعبي و خلفت بحشاي

و جمره و ما تطفيها دموع ابجاي و يا دمع اليطفي بالحشه جمره

جمر امصابك ابقلبي يزيد النوح و ياللي ابثوب عرسك يولدي مذبوح

اشلون اتهيد روحي يالفجعت الروح ابكل جرح المضه يابني إلك ذكره

الذكره ابصدري عاشت من أشوف الماي و أتذكر شبابك يا حلم رجواي

و أحتار بسؤال القلب يا بني اوياي لو ينشدني عنك بيش أعتذره

و ذكرك عهد يبقى بقلبي و إلساني و يوم ابيوم تكثر لوعت أحزاني

و سهمي امن الدهر بالآه خلاني و سهمك أشد يا النايم عله الغبره

و عالغبره تهنه و الشهاده ثوب الباري امفصله الكم أمر مكتوب

و انتوا اعله الثره و خدر الحرم مسلوب و الكافل طريح و رايته ابكتره

يا دمع التهل من عيني فجر دم لمصاب الطفوف و نايبات الهم

و عله حال الضعينه و سور لتهدم و عن حال العليل و زينب الكبره