حايره ظليت يا راعي العلم ابين حالي و بين أطفال و حرم

الخيل إجت النار وجت بالخيم الخيل و النار الثنين اعليها

التظل بالخيمه التلهب تلتهب و الذي امن الخيمه تطلع تنسلب

خيل تركض نار بخيمنه تشب و لطفال اشلون رايك بيها

و انتهت هالملحمه ابسبي لعيال حرق الخيام ابسحق بعض لطفال

النوب جابت نوقها لينه لنذال و صبح يصرخ بالسبي حاديها

و مرروني عالمصارع و لجسام كل جسم شفناه متواصل اسهام

آه يا حال الأرامل و ليتام حال من تنظر جسم واليها

وحده قالت خل أظل ويَ الإبن وحده قالت ويَ أبويه اندفن

و السياط اتدور من متن المتن تنزل امن الناقه متخليها

رحنه لبن ازياد و ابن ازياد قام يحجي ويانه ابشماته و انتقام

و آمر ايروح السبي الجهة الشام الكوفه للشام أصبحت تهديها

جن و لا جدنه النبي سيد البشر جن و لا ذاك الأبو فارس مضر

اشلعب بينه الدهر آه امن الدهر امن انين هاي العايله اميسريها

نطب ليزيد الجمع الجمع أحقر أصحاب بيده راس احسين و يسره لمصاب

و عله اسكينه يسأل و الرباب اشعنده جلمة حقد ظل يحجيها

شفنه ما شفنه يا خويه امن اليسر اليوم إجينه و انت بتراب القبر

راح نرجع للوطن شنهي العذر عفنه لخوه ابكربله وواديها