چا المن تبارين... فاجده الغالي

عبدالله چان وراح.. والمهد خالي

وتغير وممرود... من عگبه حالي

روحي... نوحي... آنه الرباب الفاجده وليدي

چانت حياتي وياك... روضه وضويه

يابني بظلام الليل.. عينك إتريه

وبوجهك الوضاح... من تصد ليّه

شمس السعد بالنور.... تشرگ عليّه

روحي نوحي... آنه الرباب الفاجده وليدي

وبناظري مطبوع... يوليدي رسمك

وعلى الگلب مكتوب ...يوليدي إسمك

وعلى الثدي مطشوش.. . يوليدي دمك

وبمسمعي مناغاك... من ماتت أمك

يوليدي شلون انساك.. وتعبت برباك

ولو يبني تالي الليل... درن ثداياك

نايم وأگول تعود... وبمهدك الگاك

وإنت بلحد مدفون.. وتأكد الفاك

لو بيدي چنت وياك... أنزل بلحدك

وخوفي تبات الليل... يوليدي وحدك

وظهري الكسرته عليك... لو ردت ثديك

وبيدي أكف له رتاغ ليغطي خدك