يا زوار الحسين أويآكم اخذوني يا زوار الحسين أوياكم اخذوني

يامن للزيارة وللسفر ناوين وياكم خذوني ارد ازور حسين

من عنده اريد اروي القلب والعين لمحبوب القلب ياناس ودوني

عاشق والعشق ماينحمل تدرون بحب حسين عقلي هايم ومجنون

لجل حسين اصيرن خادم وممنون بس لكربله ياناس وصلوني

مآذيني الوكت والقلب كله اهموم ودوني لحبيبي الظامي المظلوم

عاشق واليلوم عليّه خله يلوم موبيدي أحبه لاتلوموني

بترابه اريد اتبرك وأنخاه يا أشرف تراب اختلط ويا ادماه

تاج وعله الروس ابن الوصي شلناه مجنون الحسين الناس سموني

اريد اسجد على اعتابه واجر حسرات واقله اهواك واجلب حضرته بدمعات

ما أنساك يامولاي أبد هيهآآت يامالك حياتي وقلبي وعيوني

هنياله اليروح لكربله يآناس يزور حسين ويرد يعتني العباس

رفعة راس بو الاحرار رفعة راس وآنه عاشق العباس تدروني

لازم هالمسية تهلهل النسوان شهر الخير شهر المغفرة شعبان

هالليلة النبي وحيدر علي فرحان بفرحة فاطمة ياناس نادوني